1-тӥ классэ мынӥсь нылпиослэсь удмурт кылын вераськон дасьлыксэс эскеронъя диагностической ужъёс (авторез Ю.Т. Байтерякова) дасямын нылпиослэсь удмурт кылын вераськон быгатонлыкъёссэс эскерон вылысь: кылбугорзэс, вераськон куараосты шонер кылыны но вераны, вераськонэз грамматика ласянь радъяны, кылзыны, ваче но оген вераськыны быгатэмзэс. Эскеронъя басьтэм ужъемышъёс нылпиослэсь удмурт кылын вераськон дасьлыксэс шараялозы; нылпиослэсь удмурт кыл тодэмзэс азинтон но радъян понна, «Вордскем (удмурт) кыл» предметэз дышетыны тупась программа но дышетон амалъёс бырйыны юрттозы.
Пособие дэмламын покчи ёзо школаын ужась дышетӥсьёслы, дышетскисьёслы, анай-атайёслы но нылпи садын ужась визьнодасьёслы.
5-тӥ классэ мынӥсь нылпиослэсь удмурт кылъя тодон-быгатонлыкъёссэс эскеронъя диагностической ужъёс (авторез Байтерякова Ю.Т.) дасямын нылпиослэсь удмурт кылъя ньыль ар ӵоже басьтэм тодон-быгатонъёссэс эскерон но дунъян вылысь. Эскерон ужез радъяны дэмламын сётэм текстъя дасям ужъёс вылын. Басьтэм ужъемышъёс инъет ёзо школаын «Вордскем (удмурт) кыл» предметэз дышетыны тупась программа бырйыны юрттозы.
Пособие дэмламын 5-тӥ классэ мынӥсь нылпиослы, удмурт кылъя дышетӥсьёслы, анай-атайёслы.
Пособиосты шедьтыны луоз «Удмурт кылдунне» информационно-образовательной порталысь. Соос интыямын учебно-методической материалъёс пушкын 1-тӥ но 5-тӥ классъёслы дасям контрольно-измерительной материалъёсын ӵош.
1-тӥ классэ мынӥсь нылпиослэсь удмурт кылын вераськон дасьлыксэс эскеронъя диагностической ужъёс
5-тӥ классэ мынӥсь нылпиослэсь удмурт кылъя тодон-быгатонлыкъёссэс эскеронъя диагностической ужъёс
Диагностические материалы 1, 5 классы