Пичи Чеберайёс но Батыръёс" конкурслэн I-тӥ этапез
31-тӥ коньывуонэ Якшур-Бодья ёросын «Пичи Чеберайёс но Батыръёс» конкурслэн нырысетӥ этапез ортчиз. Та ужрадэ 6 нылпи садъёсысь 10 пиналъёс пыриськизы. Со – Широбокова Софья, Алексеев Артём, Вахрушева Альбина, Федотов Егор, Загребина Снежана, Байкузин Максим, Широбокова Аделина, Вахрушев Станислав, Широбоков Илья но Агеева Арина.
Котькуд пинал ас сяменыз усьтӥз чеберлыксэ. Пичи Чеберайёс но Батыръёс возьматӥзы кибашлы но шӧртчи, усточи но визьлюко, чебер но мусо луэмзэс. Будӥсь «кизилиослэсь» ӝужанзэс учкыны но ӟеч сюрес сӥзьыны вуылӥзы анай-атайёс, визьнодасьёс, пӧртэм удысысь ӧнерчиос. Котырес ӝӧк сьӧрын лэчыт ужпумъёс чакламын-эскеремын вал.
Та кенешонэ пыриськизы: Г.М. Вахрушев – Администрациысь калыкез дышетонъя Управлениысь кивалтӥсьлэн воштӥсез, З.Г. Платонова – ёрос Администрациысь калыкез дышетонъя ӧнерчи, И.С. Ходырева – ёрос Администрациысь калыкез дышетонъя ӧнерчи, В.П. Вахрушева – Якшур-Бодья отделениысь «Удмурт Кенешлэн» тӧроез, Л.А. Кузнецова – Якшур муниципал кылдытэтлэн тӧроез О.М. Аркашева – Ижкарысь удмурт воспитательёслэн «Зарни бугор» клублэн кивалтӥсез, Л.Я. Малых – «Удмурт дунне» газетысь корреспондент, А.М. Комарова – Удмурт Элькунысь Дышетон удысысь йӧскалык ужпумъёсты тодон-эскеронъя институтысь наукая валтӥсь ужась.
Снежана Загребина и Максим Байкузин
*
*
*
*
*
"Пичи Чеберайёс но Батыръёс" конкурслэн I-тӥ этапез