НИИ национального образования УР

     10-тӥ но 11-тӥ классъёслы выль «Удмурт литература» учебникъёс потӥзы. Котькудаз дышетскон книгаын удмурт литературалэсь историзэ инъет амалэн но муромытыса дышетыны чакламын. Муромытыса дышетонлы ӵектэм материал инъет амалэн дышетскисьёслы одно ик уже кутон вылысь сётэмын ӧвӧл ке но, со нылпиослэсь удмурт литератураен тусыкъяськон мылкыдзэс ӝутоз, лыдӟиськыны быгатонзэс азинтоз.
    Выль учебникъёсын литературалэн историысьтыз нимаз вакытъёс сярысь ивортодэт обзор амалъя гожтэмын, со вакытъёслэн азинскон ӧръёссы но тодметъёссы, зэмос улонэн гердъёссы нимаз пусъемын. Дышетскон книгаос тодматскыны луонлык сёто синмаськымон гожъясьчиослэн нимъёсынызы но гожтосъёсынызы.
    Дышетскисьёслэсь тодон-валанзэс, быгатонлыкъёссэс азинтон вылысь котькуд классын ӵектэмын литературатодос но критика материалъёсын тодматскыны, пӧртэм эскерон ужъёс, проектъёс радъяны, тодослыко но творческой ужрадъёс ортчытыны.
    Котькуд нылпи, та учебникъёсын дышетскыса, удмурт литературая тодон-валанзэ паськытатоз, пушдуннезэ узырмытоз.