НИИ национального образования УР

    Туннэ удмурт кыллы сӥзем Дунневыл нунал пусйиське.
Таин валче ӟечкыласькомы визьнодасьёсты, дышетӥсьёсты, анай-атайёсты, нылпиосты – ваньзэсты, кин вордскем кылыныз тунсыкъяське, вераське, дышетэ, солэсь улонзэ азинтэ. 
    Анай кыллэн инъетэз семьяын кылдэ. Татын со вордӥське, ӝужа, нош калык пӧлын – нылпи садын, школаын – азьланьтӥське но юнма. Та вакытэ вордскем кылзэс дышетыны ваньмызлы сямен луонлык кылдытэмын: анай кылзэс ӟеч тодӥсьёслы но, ляб тодӥсьёслы но, сое дышетыны мылкыд карисьёслы но. Та бордын тыршыса ужало Удмурт Элькунысь дышетон удысысь йӧскалык ужпумъёсты эскеронъя тодос институтысь ӧнерчиос. Туннэ нуналлы нылпи садысен шор ёзо школаозьпечатлам но электрон кабен дасям удмурт кыллы дышетон книгаос, методикая пособиос, программаос кылдытэмын, соос вӧзы ужан тетрадьёс, эскерон ужъёс лэсьтэмын. Ваньмыз та изданиос дышетскисьёслэсь вордскем кылынызы тунсыкъяськонзэс пуромытон, сое мылысь-кыдысь дышетон, вордскем кыллы мур гажан мылкыд пыӵатон вылысь дасямын. Оскиськом, анай кылмы улоз, азинскоз, ӝужалоз!